TRABALLOS CFB

TRABALLO CFB - Kizoa Editar Videos - Movie Maker

CAMPO A TRAVÉS EN PORTO DO SON

No día de hoxe asistimos á segunda xornada de Campo a Través, no circuíto sito no Campamento da Virxe do Loreto (Porto do Son). A pesar de ser unha mañá de moito frío, o sol acompañounos durante toda o momento e puidemos disfrutar das carreiras.
PREMENDO AQUÍ PODEDES ACCEDER  AOS RESULTADOS
FOTOS

EXPRESIÓN CORPORAL

O traballo da expresión corporal en Educación Física consiste no uso do corpo e do movemento como elemento de expresión e comunicación. As súas posibilidades e beneficios son innumerables, como a mellora da desinhibición, a espontaneidade, a creatividade...

CAMPO A TRAVÉS EN NOIA

Hoxe asistimos á primeira proba de campo a través a Noia. O alumnado, dende segundo a sexto de primaria, correu nun circuíto arredor do campo de San Lázaro. Todos e todas o fixeron xenial e chegaron a meta, que era o obxectivo que tiñamos. Esperamos que disfrutárades dun día especial de deporte.

CAMPO A TRAVÉS - NOIA16 - Kizoa Editar Videos - Movie Maker

OS XOGOS POPULARES

Os xogos populares e tradicionais son aqueles xogos propios de Galicia e que se transmitiron dende hai moitos anos.
En primeiro e segundo curso da Educación Primaria estamos disfrutando de xogos como: o pano, o brilé, os zancos, a pita cega, etc.

CAMBIO NA DATA DO CAMPO A TRAVÉS

A organización do programa Xogade na zoa acábanos de confirmar o cambio na data de celebración da primeira proba de campo a través en Noia. Pasa a celebrarse o xoves 1 de decembro.

DÍA DO TROMPO

Hoxe, no recreo, o alumnado puido disfrutar dun xogo tradicional de Galicia: os trompos. Como di o refrán: "polo San Martiño, peóns ao camiño"

EQUILIBRISTAS EN 3º E 4º.

 

Logo do traballo do equilibrio, en 3º e 4º da educación primaria estamos traballando a percepción espacial e temporal.

5º e 6º

En quinto e sexto de Educación Primaria estamos traballando a condición física: resistencia, velocidade, flexibilidade e forza.

PSICOMOTRICIDADE EN EDUCACIÓN INFANTIL

En Educación Infantil tamén estamos coñecendo un pouco mellor o noso corpo a través de diferentes xogos. Aquí podedes ver a casa na que xogamos...

HABILIDADES MOTRICES BÁSICAS EN 3º E 4º

O desenvolvemento das habilidades motrices básicas é fundamental nas primeiras sesións do curso, xa que van permitir un traballo posterior máis eficaz.

No vídeo pódese ver unha actividade para o traballo dos saltos.

COÑECEMOS O NOSO CORPO EN 1º E 2º

Esta semana, en 1º e 2º da Educación Primaria, comezamos a unidade didáctica "Coñecemos o noso corpo", durante a cal trataremos de afondar no coñecemento das diferentes partes do mesmo. A continuación tedes algunha imaxe dalgúns dos xogos realizados.

INFORMACIÓN DE INTERESE PARA AS FAMILIAS

O alumnado deberá traer para as clases de Educación física:

• Chándal e tenis.

• Un neceser para levar a cabo os hábitos de hixiene logo das clases de Educación Física. Incluirá polo menos: toalla, xabón e camiseta para cambiarse.

• Recoméndase traer un botellín de auga para unha correcta hidratación.

Cando un alumno/a non poida realizar actividade física deberá traer un escrito asinado polo pai/nai/titor legal. Se non pode realizala durante varios días, o escrito acompañarase do respectivo xustificante médico.

Requisitos mínimos para unha avaliación positiva:  participar de xeito activo nas actividades, respectar aos compañeiros/as e mestres, coidar as instalacións e materiais, traer o equipamento deportivo, traer o neceser de aseo, levar a cabo os hábitos de hixiene corporal e presentar os traballos seguindo as pautas e os tempos establecidos.

Blog de Educación Física: educacionfisicaesteiro.blogspot.com

BENVID@S AO NOVO BLOG

 Dende a área de Educación Física queremos darlles a benvida ao novo curso escolar 2016 - 2017.

O blog pretende dar a coñecer a toda a comunidade educativa algunhas das actividades que se realizan dende a área así como incluír un banco de recursos educativos para que o alumnado poida utilizar no tempo de lecer.